Feeds:
પોસ્ટો
ટિપ્પણીઓ

Archive for જુલાઇ, 2015

To love without expectation.

માણસો માં જ્યાં શ્રધ્ધા પણ શરતોને આધીન હોય, કે અમુક કામ થાય તો જ પ્રસાદ ચઢાવવો..,
ત્યાં સંબધોમાં પ્રેમ કે લાગણીઓ બીનશરતી કેવી રીતે હોય શકે.
મન્નત એ ઈશ્ર્વર સાથે કરેલો Nonverbal and Unwritten કોન્ટ્રાક છે.

પ્રેમમાં કોઈ શરત ના હોવી જોઈએ.લાગણીઓ બીનશરતી હોવી જોઈએ.સંબધો સહજીક નૈતિકતાના મુલ્યો પર નિભાવાય તો જ સંબધને માણી શકાય, મેહસુસ કરી શકાય.શરત વગરના સંબધો સંવેદનાઓની સહજીક અભિવ્યક્તિ હોય છે.સહજીકતા થી જ સહજ આનંદની અનુભુતી કરી શકાય. પ્રકૃત્તિ બીનશરતી વર્તે છે. હવા કોઈ પણ શરત વગર વહે છે. સૂરજ કોઈ પણ શરત વગર ઉગે છે. નદીઓ વગર શરતે વહે છે. હવા ક્યારેય કોઈ શરત પર કોઈ વિસ્તારમાં વહે, કોઈ વિસ્તારમાં ના વહે એવું હોતું નથી. સૂરજ અઠવાડીયે એક દિવસ રજા રાખશે એવી શરતે નથી ઉગતો.બલ્કી સૂરજના વારે રવિવારે તો આપણે રજાની શરત રાખતા હોયએ છે. પ્રકૃત્તિ સહજ છે માટે આનંદ દાયક હોય છે. પ્રકૃત્તિની સમીપ જ માણસ પણ સહજ પ્રેમને મહેસુસ કરે છે માટે હવાખાવાના સ્થળો એક રીતે પ્રેમખાવાના સ્થળો બની રહે છે. સહજીકતા એ પ્રકૃત્તિનો ગુણધર્મ છે. પ્રકૃત્તિ શરતોને આધીન નિયંત્રણમાં હોય તો પણ તે ગુણધર્મ છોડતી નથી.જ્યારે શરતોને આધીન માણસ પોતાની પ્રકૃત્તિ જ બદલી નાખે છે. હવાને ઓક્સિજનના સીલીન્ડરમાં નિયંત્રણમાં રાખી શરતોને આધીન ઉપયોગ કરવામાં આવે કે નદી પર બંધ બાંધી ઉપયોગ કરવામાં આવે પણ જીવન પુરુ પાડવું એ બન્ને નો ગુણધર્મ કોઈપણ પરિસ્થિતિ માં જળવાય રહે છે. શરતોને આધીન સીલીન્ડરમાં ની હવા કે નદી ના બંધનું પાણી પાતાની કોઈ શરતો નથી મુકતુ, એ બસ માત્ર સહજ પોતાના ગુણધર્મને અનુસરે છે પ્રેમ પણ પ્રકૃત્તિ ના સહજીક ગુણધર્મને અનુસરે છે પણ જો એ બીનશરતી હોય તો જ સહજીકતાનો આનંદ આપે છે. શરતોને આધીન દરેક બાબત વ્યવાહરીક સ્તર પર ઉતરી આવે છે.શરતોને આધીન સંબધોને સમાધાનનું સ્વરૂપ મળે છે. અને સમાધાન હંમેશા ભરપુર અપેક્ષાઓ ના આધાર સ્થંભ પર ઉભુ હોય છે
કયારેક કોઈપણ અપેક્ષા વગર કોઈપણ શરત વગર માત્ર આપણી શ્રધ્ધા ભગવાનને ચરણોમાં ધરવી જોઈએ.એવી શ્રધ્ધા એટલે ભક્તીની સહજ આનંદ ની અનુભુતી.પ્રેમ પણ કરવો તો કોઈપણ શરત વગર કરવો. કોઈ તમાને પ્રેમનો પ્રતિઉત્તર પ્રેમ થી આપે કે ના આપે. સમજે કે ના સમજે, સામે પ્રેમથી વર્તે કે ના વર્તે. બસ માત્ર પ્રેમ કરવો.., સહજીક, અપેક્ષા વગર.પ્રેમ હોય ત્યાં અપેક્ષાઓ ને સ્થાન જ ના હોય અને અપેક્ષાઓ નો શુન્યવકાશ હોય. શરતો વગરનો પ્રેમ રાધાનો હતો. રાધાએ માત્ર પ્રેમ કર્યો માત્ર પ્રેમ, કોઈપણ શરત વગર, કોઈપણ અપેક્ષા વગર. બાકી ગોકુળ થી દ્વારીકાનું અંતર મહિનાદાહ્ડાઓમાં કાપી દ્વારીકા પોંહચી શકાય તેમ હતું, પણ રાધાએ કયાંરેય તેવું નથી કર્યુ. ક્રિષ્ણ માટે જ્યાં સોળહજાર રાણીઓ રહિ શકે તો, એક રાધા ને પણ પરણીને રાણી તરીકે રાખી શકાય તેમ હતું. પણ બન્નેએ માત્ર શરતો વગરનો અપેક્ષા રહિત માત્ર પ્રેમ કર્યો. બન્ને ની સહજ લાગણીઓની સંવેદનાઓ કદમના વૃક્ષને, યમુનાના કિનારાને,વૃર્દાવનની વનરાજીને, પનઘટની વાટને, પ્રેમના સંસ્મરણોથી પરીપૂર્ણ રાખી શકી. શરતો વગરની શ્રધ્ધા મીરાની હતી મીરા ઝેરનો પ્યાલો પીએ તો પણ કોઈ શરત નહી કે વ્હાલા મને બચાવી લે જે. એ તો માત્ર શ્રધ્ધાના બળે પી જાય.શરતો વગરની ભક્તિ નરસિંહ મેહતાની હતી. નરસિંહ મેહતાનો એકતારો કોઈ શરતે ના વાગે કે કાના તું મામેરું ભળજે, એ તો બસ માત્ર આંખો બંધ થાય ને એકતારો વાગવા માંડે.
શરતો વગરનો પ્રેમ
શરતો વગરની શ્રધ્ધા
શરતો વગરની ભક્તિ……એટલે

પરમ સહજીકતાનો આનંદ…… પરમ સહજીકતાની અનુભુતી.

– એકાંત
– 20-07-2015

Read Full Post »